Yeni mövsüm üçün heyətini komplektləşdirməyə davam edən “Kəpəz.” daha iki futbolçu ilə müqavilə bağlayıb.
Msport.az xəbər verir ki, Gəncə klubu Raul Məmmədov və Elcan Əbilovu heyətinə cəlb edib. Müdafiəçi mövqeyində oynayan Raulun 21 yaşı var. 20 yaşlı Elcan isə yarımmüdafiəçidir. Hər iki oyunçu “Kəpəz”də mövsümün sonuna kimi icarə əsasında çıxış edəcək.
Qeyd edək ki, Elcan vaxtilə “Bakılı” klubunun prezidenti olmuş Misir Əbilovun qardaşı oğludur.
