ain.az bildirir, Yeniavaz saytına əsaslanaraq.
Gündə 60 qramdan çox badam qəbul edilməsi oksidativ stressi əhəmiyyətli dərəcədə azalda bilər və hüceyrələri, o cümlədən DNT-ni zədələnmədən qoruya bilər ki, bu da ürək-damar xəstəlikləri, şəkərli diabet, xərçəng və neyrodegenerativ pozğunluqlar kimi xroniki xəstəliklərin riskini azaldır.
Yeniavaz.com xəbər verir ki, bu barədə nüfuzlu “Nature” jurnalında dərc olunan məqalədə qeyd olunur.
“Aparılan tədqiqatlar göstərib ki, badam E vitamini, polifenollar və mono doymamış yağlarla zəngin antioksidant mənbəyidir. Bu maddələr hüceyrələri zədələyən qeyri-sabit molekullar – reaktiv oksigen növlərini (ROS) neytrallaşdırmağa kömək edir. Badamın müntəzəm istifadəsi orqanizmin antioksidant aktivliyini artırır, hüceyrə zədələnməsinin markerləri olan MDA və 8-OHdG səviyyəsini isə azaldır.
Lakin nəzərə almaq lazımdır ki, badamın faydası qəbul edilən miqdardan və hazırlanma üsulundan asılıdır. Məsələn, qovrulmuş badamda polifenolların miqdarı xam badamla müqayisədə təxminən 26% azalır ki, bu da onun antioksidant xüsusiyyətlərini zəiflədir.
Maksimal nəticə üçün gündə təqribən 60 qram (iki iri ovuc) badam yemək tövsiyə olunur.
Badamın gündəlik rasiona əlavə edilməsi sağlamlığın qorunması və xroniki xəstəliklərin qarşısının alınması üçün sadə və əlçatan vasitə ola bilər”, - məqalədə qeyd olunur.
Ən son yeniliklər və məlumatlar üçün ain.az saytını izləyin, biz hadisənin gedişatını izləyirik və ən aktual məlumatları təqdim edirik.
