BAKI. 17 avqust. TELEQRAF
Braziliya çempionatında XX turun "Korintians" - "Baiyya" görüşü zamanı baş hakim Paulo Sezar Zanovelli qapıdan keçən topla bağlı qərar qəbulu üçün epizodun təkrarını 8 dəqiqədən çox izləməli olub.
Teleqraf-ın məlumatına görə, bu, 31-ci dəqiqədə qonaq komandanın futbolçusu İnasio Gilyermenin hesabı 1:1 etməsindən sonra baş verib.
Referi qonaqların qapıçısı Ronaldoya qarşı qayda pozuntusunun, VAR briqadası isə ofsaydın olub-olmadığını uzun müddət aydınlaşdırmağa çalışıb. Son nəticədə qol qeydə alınıb.
Bütün ləngimələrlə əlaqədar birinci hissə bir saatadək uzanıb.
Qeyd edək ki, görüş "Baiyya"nın səfər qələbəsi ilə yekunlaşıb - 2:1.
