“Kəpəz” futbol üzrə Azərbaycan Premyer Liqasının 2025/2026-cı illər mövsümündə ilk ev oyunlarını Qəbələdə keçirəcək.
Arena.az xəbər verir ki, bu barədə klubun mətbuat xidməti məlumat yayıb.
Bildirilir ki, Gəncə şəhər stadionunun inşasının davam etməsi səbəbindən “sarı-göylər” doğma şəhərdən kənarda oynamalı olacaqlar.
Gəncə şəhər stadionu matçların keçirilməsi üçün tam hazır vəziyyətə gətirildikdən sonra komanda rəqiblərini Nizami yurdunda qəbul edəcək.
Əvəzedici komanda isə ötən mövsümlərdə olduğu kimi, klubun Məşq Mərkəzindəki ehtiyat meydanda oynayacaq.
