Yunanıstanın paytaxtı Afinada keçirilən U-17 dünya çempionatında iştirak edən azərbaycanlı hakim Natiq Hacıyev karyerasını başa vurub.
90deqiqe.Az-ın məlumatına görə, bu, təcrübəli referinin son beynəlxalq yarışı kimi əlamətdar olub.
Dünya Güləş Birliyinin (UWW) qaydalarına uyğun olaraq, 60 yaşa çatan həmyerlimiz fitini və qolçaqlarını rəsmi şəkildə təhvil verərək, beynəlxalq hakimlik fəaliyyəti ilə vidalaşıb. Ali qurum yarışın son günündə bu münasibətlə referiyə xatirə hədiyyəsi təqdim edib.
Qeyd edək ki, N.Hacıyevlə yanaşı, Elman İsmayilov da mundialda ədaləti qoruyub.
