ABŞ prezidenti Donald Tramp onlarla ölkəyə idxal rüsumları tətbiq edən fərman imzalayıb.
Editor.az xəbər verir ki, bu barədə Ağ Evin saytında verilən açıqlamada deyilib.
Məlumata görə, qərar iyulun 31-i axşam saatlarında Trampın ticarət müqavilələrini imzalamaq üçün verdiyi son tarixdən bir neçə saat əvvəl qəbul edilib.
Bloomberg-in məlumatına görə, ABŞ-ın ticarət tərəfdaşları üç qrupa bölünür. Aprel ayından etibarən qüvvədə olan əsas 10%-lik tarif əksər ölkələr üçün saxlanılır. Bu tarif ABŞ-ın idxal etdiyindən daha çox ixrac etdiyi ölkələrə şamil edilir.
Kiçik ticarət kəsiri olan təxminən 40 ölkəyə minimum 15% tarif tətbiq ediləcək. ABŞ-la razılaşması olmayan və ya ABŞ-ın xeyrinə böyük ticarət kəsiri olan ölkələr üçün daha yüksək dərəcələr planlaşdırılır.
Ağ Evin açıqladığı siyahıya əsasən, ən yüksək tariflər Suriya (41%), Laos və Myanma (hər biri 40%), İsveçrə (39%), İraq və Serbiya (hər biri 35%), Əlcəzair, Bosniya və Herseqovina, Liviya və Cənubi Afrikaya (hər biri 30%) tətbiq edilib.
//Gülnarə Abasova, Editor.az
