“Mançester Siti”nin norveçli hücumçusu Erlinq Halann bu gün 25 yaşını qeyd edib.
90deqiqe.Az-ın məlumatına görə, ad gününü sosial şəbəkədə paylaşdığı zarafatla müşayiət edən ulduz futbolçu, saç düzümünə yönələn tənqidlərə də özünəməxsus şəkildə cavab verib.
“50-yə gedən yolun yarısı! Ad günü təbriklərinə görə hər kəsə təşəkkür edirəm. Saç düzümümə ilişməzdən əvvəl, aynaya baxın və özünüzdən soruşun: mənim saçım bunlardan daha yaxşı görünürmü?”
Xatırladaq ki, hazırda istirahətdə olan Holann yay tətilini İtaliyada keçirir. O, bir müddət əvvəl Roma şəhərinə sevgisini də açıq şəkildə ifadə etmişdi.
Yeni mövsümə hazırlıqlar davam edir. İngiltərə Premyer Liqasının yeni mövsümü avqustda start götürəcək. Halann son olaraq iyun ayında keçirilən Klublararası Dünya Çempionatında “Mançester Siti”nin heyətində çıxış etmişdi. Komanda həmin turnirdə 1/8 final mərhələsində mübarizəni dayandırmışdı.
