Britaniyanın müdafiə naziri Con Hili qarşıdan gələn “Ramştayn” görüşündə Ukraynanı silahlandırmaq üçün 50 günlük proqram elan edəcək, “The Telegraph” və “Bloomberg” yazır.
İclasda Ukrayna üçün hava hücumundan müdafiə raketlərinin alınması ilə bağlı Britaniya və Almaniyanın da müqavilə imzalayacağı gözlənilir. Britaniya həmçinin müttəfiqlərini ABŞ prezidenti Donald Trampın Rusiya hakimiyyəti ilə bağlı qərarlarını dəstəkləməyə çağırmaq niyyətindədir.
İyulun 14-də cənab Tramp Ukraynadakı döyüşlər 50 gün ərzində bitməsə, Rusiyanın ticarət tərəfdaşlarına 100% “çox sərt” tariflər tətbiq edəcəyi ilə hədələyib. O, həmçinin bildirib ki, Vaşinqton Kiyevi yeni silahlarla təchiz etməyə başlayacaq.
