Trampın Rusiya ilə bağlı mövqeyinə kim təsir edib? | VİDEO

AzVision.az xəbər verir ki, Amerika Konqresində 3 mənbəyə istinad edən Böyük Britaniyanın “The Daily Telegraph” nəşrinin yazdığına görə, “qırğı- respublikaçılar” son aylarda Trampı Moskva ilə qarşıdurma mövqeyinə sövq etməyə çalışırdı.

“Bu səylərin mərkəzində Stiv Uitkoffun xeyrinə müvəqqəti olaraq Ukrayna mövzusundan uzaqlaşdırılan general Kit Kelloq dayanırdı. Ukraynaya dəstək verən ictimaiyyətin diqqətinin böyük hissəsi respublikaçı senator Lindsi Qremə yönəlməsi səsəbindən vəziyyət son həftələrdə dəyişməyə başladı”,- qəzet vurğulayır.

Trampın Putindən gözləntisi nədir?| VİDEO

Qəzetin mənbələrindən biri bildirib ki, son vaxtlar güc toplayan Kelloq Rubio ilə birlikdə “yeni bir yanaşmanı təşviq edirlər”.

ABŞ-nin Dövlət katibinin isə prezidentlə yaxşı münasibəti Rusiyanın son həftələrdə Ukraynaya hücumlarını artırdığı bir vaxtda Donald Trampın mövqeyinə təsir göstərməyə imkan verib.

Xatırladaq ki, iyulun 14-də Rusiya-Ukrayna münaqişəsi ilə bağlı bəyanatında Moskvadan “çox narazıdır” olduğunu açıqlayan Donald Tramp rusiyalı həmkarı Vladimir Putinə ultimatum verib:hərbi əməliyyatlar 50 gün ərzində dayandırılmasa, Vaşinqton Rusiyaya və onun tərəfdaşlarına qarşı 100%-lik ikinci dərəcəli tariflər tətbiq edəcək.


Sahil İsgəndərov
AzVision.az