Konfrans Liqasının 2-ci təsnifat mərhələsinin “Zirə” – “Hayduk” oyunundan əvvəlki mətbuat konfransı və media üçün açıq məşqlərin vaxtı dəqiqləşib.
Arena.az xəbər verir ki, bu barədə Azərbaycan klubunun mətbuat xidməti məlumat yayıb.
Bildirilir ki, iyulun 22-də saat 18:00-da “Zirə”nin baş məşqçisi Rəşad Sadıqovun mətbuat konfransı təşkil olunacaq. Tədbir 8-ci km qəsəbə stadionunda olacaq. Saat 19:00-da isə Suraxanı qəsəbə stadionunda media üçün açıq məşq keçiriləcək.
“Hayduk”un baş məşqçisi Qonsalo Qarsiyanın mətbuat konfransı da 8-ci km qəsəbə stadionunda keçiriləcək. Tədbirə saat 19:00-da start veriləcək. Saat 19:30-da isə Split təmsilçisinin 8-ci km qəsəbə stadionunda media üçün açıq məşqinə start veriləcək.
Qeyd edək ki, həm Azərbaycan, həm də Xorvatiya klublarının məşq prosesinin ilk 15 dəqiqəsi mətbuat nümayəndələri üçün açıq olacaq.
