Pentaqon “Microsoft”un ABŞ hərbi departamentinin sistemlərinə xidmət etmək üçün çinli mühəndislərdən istifadə etməsi ilə bağlı məlumatları təcili olaraq yoxlayacaq.
Qaziler.az-ın məlumatına görə, bu barədə ABŞ Müdafiə Naziri Pit Heqset “X” sosial şəbəkəsində açıqlama verib.
Bu şəkildə, o, senator Tom Kottonun korporasiyanın Müdafiə Nazirliyinin sistemlərinə xidmət etmək üçün Çin mühəndisləri işə götürdüyü barədə məlumatı yoxlamaq tələbinə reaksiya verib.
“Xarici mühəndislərin - heç bir ölkədən, o cümlədən, əlbəttə ki, Çindən - Müdafiə Nazirliyinin sistemlərinə xidmət göstərməsinə və ya daxil olmasına heç vaxt icazə verilməməlidir”, - ABŞ müdafiə departamentinin rəhbəri vurğulayıb.
QAZİLER.AZ
