Ermənistan və Yaponiya hərbçiləri 2025-ci ildə NATO tərəfindən keçiriləcək "Agile Spirit" ("Çevik ruh") adlı çoxmillətli hərbi təlimlərdə müşahidəçi qismində iştirak edəcəklər.
Bakıvaxtı.az xəbər verir ki, bu barədə Gürcüstan Müdafiə Nazirliyi məlumat yayıb.
Bildirilib ki, təlimlər iyulun 25-dən avqustun 6-na qədər Gürcüstan ərazisində keçiriləcək.
"Məqsəd iştirakçı ölkələrin döyüş hazırlığını artırmaq, qarşılıqlı əməkdaşlığı və əməliyyat imkanlarını gücləndirməkdir",- məlumatda deyilir.
Qeyd edək ki, təlimlərdə Gürcüstan, ABŞ, Türkiyə, Polşa, Almaniya, İtaliya, Yunanıstan, Moldova, Rumıniya, Bolqarıstan, Slovakiya, Litva və Ukrayna hərbçiləri iştirak edəcək.
