Futbol üzrə Premyer Liqanın 2025-2026-cı il üçün yeni mövsümü başlayır.
Mia.az xəbər verir ki, hazırda Premyer Liqa komandalarının bəzisi tətildədi, bir neçə komanda isə Avroliqa oyunlarına hazırlaşır. Komandalar həmçinin növbəti mövsüm üçün hazırlıq görür.
Bu arada Premyer Liqanın püşkatma mərasimi ilə bağlı məlumat yayılıb. Azərbaycan Reşəkar Futbol Liqası (PFL) bildirir ki, Azərbaycan Premyer Liqasında 2025/2026 mövsümünün püşkatma mərasiminin vaxtı müəyyənləşib. Mərasim 18 iyul tarixində "Alov qüllələri" kompleksində baş tutacaq.
Məsələ ondadı ki, bu mövsüm Premyer Liqa “Misli”nin çətiri altında deyil.
Maraqlıdı, niyə?
Yadınıza salım ki, bundan əvvəlki mövsümlərdə Premyer Liqanın baş sponsoru “Misli”-“Azərlotoreya” cütlüyü olub və Premyer Liqa oyunları onların çətiri altında həyata keçirilib.
“Misli”nin oyunlarda çox havalı və dəbdəbəli reklamı olub. Hərçənd, bu qurumun AFFA-ya sponsor olaraq dəstəyi elə də möhtəşəm deyil. Məsələn, bu ilin aprelində AFFA-nın hesabat yığıncağnda məlum oldu ki, “Misli”dən AFFA büdcəsinə edilən yardımın həcmi cəmi 118 min manatdı. Bu rəqəm Azərbaycan futbolunun baş sponsoru SOCAR-ın ayrdığı vəsaitin yanında heç nədi. Yaxud siyahı üzrə ikinci böyük sponsor olan “Azərmaş” ASC-yə çatmaz “Misli”nin verdiyi pul. Çünki “Azərmaş” ASC AFFA-ya nə az, nə çox, düz 5 milyon 723 min manat pul ayırıb keçən il. Özü də “Azərmaş” dövlətin dəstəklədiyi qurumdu.
Hesabatdakı rəqəmlərdən yadımda qalan odu ki, AFFA-ya keçən il "Bank Respublika" 2 milyon manat, AZAL 88 min 500 manat, “Xırdalan Pivə”si isə 59 min manat pul köçürüb.
Görəsən, nə oldu, “Misli” ilə müqavilə bitdimi?
Yaxud AFFA ilə arası dəydimi mərc oyun sahiblərinin?
Yoxsa sadəcə, texniki səhvmi baş verib?
Zülfiyyə Mustafayeva
MİA.AZ
