İsrail Müdafiə Qüvvələri (IDF) husilərə qarşı "Qara Bayraq" əməliyyatı həyata keçirib.
Publika.az xəbər verir ki, bu barədə İsrailin müdafiə naziri İsrael Katz tməlumat verib.
O deyib ki, İsrail Müdafiə Qüvvələri hazırda Hudeyda, Ras İsa və Səlif limanlarında husi terrorist rejiminin hədəflərini hədəf alır. Hədəflər arasında 2023-cü ilin noyabrında Qırmızı dənizdə husilər tərəfindən ələ keçirilən elektrik stansiyası və “Galaxy Leader” gəmisi də var.
“Artıq xəbərdarlıq etdiyim kimi, Yəmənə də Tehranla eyni münasibət göstəriləcək”, - Katz deyib.
İDF-nin məlumatına görə, hədəflər İranın dəstəklədiyi husilər tərəfindən silah tədarükü və İsrailə və beynəlxalq gəmiçiliyə qarşı terror fəaliyyəti həyata keçirmək üçün istifadə edilib.
