ain.az, Xalq qazeti saytından verilən məlumata əsaslanaraq xəbər yayır.
UNEC rektoru professor Ədalət Muradov “Abituriyent Aylığı” çərçivəsində abituriyent və onların valideynləri ilə görüşüb.
Rektor iştirakçılara rəqəmsal UNEC-in tədris və imtahan prosesi, xarici universitetlərlə ikili diplom proqramları, xüsusi təqaüdlər, tələbələrin sosial həyatı, elektron kitabxana, tələbə startaplarına dəstək, məzunların məşğulluğu və s. barədə ətraflı məlumat verib. UNEC-in beynəlxalq reytinqlərdəki mövqeyindən söz açan Ədalət Muradov bu nailiyyətlərin təhsilin keyfiyyəti ilə bağlı olduğunu qeyd edib. O, UNEC-ə keçid balının hər il yüksəldiyini diqqətə çatdırıb.
Görüşdə abituriyentləri və onların valideynlərini maraqlandıran suallar cavablandırılıb. Sonra iştirakçılar üçün UNEC-də infotur təşkil olunub.
Qeyd edək ki, UNEC rektoru ilə növbəti görüş iyulun 11-də əsas tədris binasında olacaq. İştirak etmək üçün WhatsApp vasitəsilə 012 492 60 43 nömrəsinə yazaraq qeydiyyatdan keçmək kifayətdir.
Ən son yeniliklər və məlumatlar üçün ain.az saytını izləyin, biz hadisənin gedişatını izləyirik və ən aktual məlumatları təqdim edirik.
