Fransanın "Lion" klubu Liqa 2-yə düşürülməsi barədə qərardan şikayət etmək üçün 100 milyon avro tapmalıdır.
"Report" xəbər verir ki, bu barədə ölkənin "Lequipe" nəşri məlumat yayıb.
Apellyasiya şikayəti iyulun 10-da veriləcək və həmin məbləğ klubun hesablarında olmalıdır. "Lion" 2025/2026 mövsümünün sonunda daha 100 milyon avro alacağına da zəmanət verməlidir.
Vəsaitin pul mükafatı və ya oyunçuların satışından əldə olunması planlaşdırılır.
Qeyd edək ki, "Lion" 2024/2025 mövsümündə 57 xalla Liqa 1-i altıncı sırada bitirib və Avropa Liqasına vəsiqə qazanıb. Klub maliyyə hesabatlarında pozuntulara yol verdiyinə görə ikinci diviziona göndərilib.
