İyulun 1-dən etibarən Azərbaycanda qadınların pensiyaya çıxma yaşı 64 il 6 ay olacaq.
News24.az-ın xəbərinə görə, bu dəyişiklik “Əmək pensiyaları haqqında” Qanunun 7-ci maddəsinə əsasən tətbiq olunur. Qanuna əsasən, kişilərin pensiya yaşı 2017-ci il iyulun 1-dən 2021-ci il iyulun 1-dək, qadınların isə 2017-ci il iyulun 1-dən 2027-ci il iyulun 1-dək hər il 6 ay artırılır.
Qeyd edək ki, qadınların pensiya yaşı sonuncu dəfə ötən il — 2024-cü ilin iyul ayının 1-dən 6 ay artırılaraq 64 yaş müəyyən edilmişdi. Bu ilki dəyişikliklə pensiya yaşı 64 il 6 ay olacaq.
Hazırkı qanunvericiliyə görə, qadınların pensiya yaşı 2027-ci ilin iyul ayınadək hər il 6 ay artırılmaqla 65 yaşa çatdırılacaq və bu yaş həddi son hədd kimi müəyyən ediləcək.
Xatırladaq ki, kişilər üçün pensiya yaşı artıq 65 yaş olaraq sabitləşib və dəyişmir.
