“Milan”da çıxış edən sol cinah yarımmüdafiəçisi Noah Okafor karyerasını "Beşiktaş"da davam etdirə bilər.
90deqiqe.Az-ın “MilanNews” nəşrinə istinadən yaydığı xəbərə görə, İstanbul təmsilçisi isveçrəli futbolçunun xidmətində maraqlıdır.
"Ağ-qaralar" 23 yaşlı futbolçunun transfer şərtlərini öyrənmək məqsədilə onun nümayəndələri ilə əlaqəyə keçib.
"Beşiktaş" menecerlərdən lazımi məlumatları əldə etdikdən sonra “Milan”la birbaşa danışıqlara başlayacaq.
Nigeriya əsilli isveçrəli futbolçu 2023-cü ilin yayında Avstriyanın “Zalsburq” klubundan 15,5 milyon avroya “Milan”a transfer olunmuşdu. O, 2023/24 mövsümünün ikinci yarısını icarə əsasında “Napoli”də keçirib.
Ötən mövsümdə 25 yaşlı cinah hücumçusu ümumilikdə 21 oyunda meydana çıxıb. Cəmi 595 dəqiqə meydanda olan Okafor bu müddətdə 1 qol və 2 məhsuldar ötürmə ilə yadda qalıb.
