Musavat.com xəbər verir ki, məlumatı Axios portalı iki İsrail rəsmisinə istinadən yayıb.
İsraildə İranın dağlarda və yerin dərinliklərində yerləşən Fordo uran zənginləşdirmə obyektini məhv etmək üçün lazım olan bunker bombaları və iri bombardmançı təyyarələr yoxdur. ABŞ-a məxsus hər iki vasitə İrana uçuş məsafəsindədir.
Lakin Tramp administrasiyası indiyə qədər İsrailin əməliyyatında birbaşa iştirakda uzaq qalmağa üstünlük verib. Ağ Ev hesab edir ki, birbaşa əməliyyata qoşulmala ABŞ İranın regiondakı ABŞ obyektlərinə zərbələrini qanuniləşdirmiş olacaq. Hətta ABŞ-ın iştirakı ilə tək bir ərazinin bombalanması Tehranın yolunu açacaq.
Amma əməliyyat başa çatdıqdan sonra Fordo fəaliyyətdə qalarsa, İsrail İranın nüvə proqramını "dağıtmaq" məqsədinə çata bilməyəcək.
İsrail rəsmisi Axios-a ABŞ-ın əməliyyata qoşula biləcəyini və hətta prezident Trampın baş nazir Benyamin Netanyahu ilə son zəngində lazım gələrsə, bunu edəcəyini təklif etdiyini deyib. Ağ Evin sözçüsü iyunun 13-də bu iddianı təkzib edib.
İkinci ABŞ rəsmisi şənbə günü İsrailin Tramp administrasiyasını müharibəyə qoşulmağa çağırdığını təsdiqləyib. Lakin o, administrasiyanın hazırda bu variantı nəzərdən keçirmədiyini söyləyib.
Qeyd edək ki, birbaşa İranı bombalamasa da, ABŞ zəruri mərmiləri İsrailə çatdırır. İsrailin KAN telekanalının jurnalisti İtai Blumentalın sözlərinə görə, son günlər İsrail hava məkanının bağlı olmasına baxmayaraq, ABŞ-dan hava daşımaları təşkil edilib, onun vasitəsilə qabaqcıl ağır silahlar çatdırılıb. Söhbət həm ağır bombalardan, həm də bunker busterlərindən gedir.
Silahlar Amerikanın Avropa və ABŞ bazalarından gətirilir.
KAN hesabatında qeyd olunur ki, İrana zərbələrin artması fonunda son 24 saat ərzində də silahlar çatdırılıb.
