BAKI, 29 may. TELEQRAF
ABŞ-nin BMT-dəki daimi nümayəndəsinin müavini Temmi Bryus Vaşinqtonun Ukrayna münaqişəsinin nizamlanması prosesində konstruktiv rol oynamağa hazır olduğunu bildirib.
Teleqraf xəbər verir ki, o, BMT Təhlükəsizlik Şurasının Ukrayna ilə bağlı iclasında çıxışı zamanı tərəfləri gərginliyi azaltmağa və vicdanlı danışıqlar aparmağa çağırıb.
“Biz deeskalasiyaya çağırırıq və hər iki tərəfi səmimi danışıqlar aparmağa təşviq etməyə davam edirik. ABŞ hər iki tərəfdən real siyasi iradə və danışıqlara sadiqlik olduğu təqdirdə konstruktiv rol oynamağa hazırdır”, - deyə Bryus vurğulayıb.
Məlumata görə, Rusiya tərəfi dəfələrlə Ukrayna böhranının diplomatik vasitələrlə həllinə sadiq olduğunu bəyan etsə də, Kiyevin danışıqlar yolu ilə nizamlanmaya hazır olmadığını bildirib.
