İran Xarici İşlər Nazirliyi Birləşmiş Ərəb Əmirliklərinə (BƏƏ) edilən hücumlarda hər hansı iştirakı olması barədə iddiaları qəti şəkildə təkzib edib.
Bu bəyanat BƏƏ tərəfinin ölkənin hava hücumundan müdafiə sistemlərinin raket və pilotsuz uçuş aparatlarını (PUA) zərərsizləşdirməsi barədə açıqlamasından sonra verilib.
İran Xarici İşlər Nazirliyinin rəsmi bəyanatında qeyd olunur ki, Əbu-Dabinin İranın BƏƏ istiqamətində raket və PUA buraxması ilə bağlı iddiaları tamamilə əsassızdır. Nazirlik bildirib ki, İran silahlı qüvvələrinin həyata keçirdiyi müdafiə xarakterli tədbirlər müstəsna olaraq ABŞ təcavüzünün dəf edilməsinə yönəlib.
