Çində yerləşən unikal okeanarium komplekslərindən birində ziyarətçilər üçün fərqli bir giriş sistemi yaradılıb.
Musavat.com xəbər verir ki, bu məkanda eskalator birbaşa sualtı dünyaya aparır və insanlar sanki yerin altına enərək okeanariumun şüşə tunellərinə daxil olurlar.
Ziyarətçilər eskalatordan düşən kimi özlərini sualtı mühitdə hiss edir və ətraflarını əhatə edən nəhəng akvariumlar vasitəsilə dəniz canlılarını yaxından izləyə bilirlər. Bu qeyri-adi yanaşma xüsusilə turistlər arasında böyük maraq doğurur.
Məlumata görə, okeanariumda 15 mindən çox müxtəlif dəniz canlısı saxlanılır. Buraya nadir balıq növləri, meduzalar, akulalar və digər ekzotik su canlıları daxildir.
Ekspertlərin fikrincə, belə layihələr həm əyləncə, həm də maarifləndirici funksiyanı birləşdirir və ziyarətçilərə dəniz ekosistemini daha yaxından tanımaq imkanı yaradır.
Musavat.com
