Azərbaycan millisi FİFA reytinqində üç pillə irəliləyib.
QOL.az xəbər verir ki, bu barədə qurumun rəsmi saytı məlumat yayıb. Ayxan Abbasovun komandası hazırda 1136.67 əmsalla 124-cü pillədə qərarlaşıb.
Azərbaycan yığmasının ötən ay "FIFA Series – 2026" beynəlxalq turnirinin qalibi olması reytinqdə irəliləyişə səbəb olub.
Azərbaycanın UEFA Millətlər Liqasındakı rəqiblərindən olan Litva 148-ci, Lixtenşteyn isə 206-cı pillədə qərarlaşıb.
Reytinqin ilk pilləsində Fransa (1877.32) yer alıb. İspaniya (1876.40) ikinci, Argentina (1874.81) üçüncüdür.
