İran prezidenti Məsud Pezeşkian İspaniyanın ABŞ-İsrail hücumlarına qarşı mövqeyini təqdir edib.
Publika.az xəbər verir ki, Pezeşkian sosial mediada yazıb ki , İspaniyanın sionist-amerikan koalisiyanın İran kimi ölkələrə qarşı kobud insan haqları pozuntularına və hərbi təcavüzünə qarşı məsuliyyətli reaksiyası Qərbdə etik prinsiplərin və oyanmış vicdanın hələ də mövcud olduğunu göstərir.
O, İspaniya rəsmilərinin mövqeyini yüksək qiymətləndirdiyini bildirib.
Xatırladaq ki, İspaniya hakimiyyəti ABŞ və İsrailin İrana qarşı müharibəsinə qarşı çıxmış və bu müharibədə iştirak etməkdən imtina etdiklərini bildirmişdilər.
