Müharibəyə son qoymaq üçün ərazi məsələləri rəhbərlik səviyyəsində qaldırılmalıdır. Metbuat.az xəbər verir ki, Ukrayna Prezidenti Volodimir Zelenski belə açıqlama verib. O, Kiyevdə olan Norveç Baş naziri Yonas Qar Store ilə birgə mətbuat konfransında hava hücumundan müdafiə sistemlərinin gücləndirilməsində göstərdiyi dəstəyə görə Norveçə təşəkkür edib. Zelenskinin sözlərinə görə, Ukraynanın 230 prioritet obyekti var. Ümumilikdə daha çox obyekti var, lakin bunlar qorunması lazım olan prioritet obyektlərdir. Zelenski həmçinin bildirib ki, Ukrayna Rusiyadakı hədəflərə uzaq mənzilli silahlarla hücumlarını davam etdirir və ötən həftə ballistik, hipersəs və qitələrarası raketlərin istehsal olunduğu sənaye sahəsinə hücum edib.
