Beynəlxalq Futbol Assosiasiyaları Federasiyası (FİFA ) dünya çempionatları ilə bağlı yeni plan üzərində işləyir.
QOL.az xəbər verir ki, bu barədə "Ole" məlumat yayıb.
Dünyanın ali futbol qurumu DÇ-2030-un final mərhələsində 64 komandanın iştirak etməsini istəyir.
Qeyd olunub ki, təşkilat Cənubi Amerika Futbol Konfederasiyasının (CONMEBOL) dünya çempionatında rekord komada sayı təklifini dəstəkləyəcək. Bu halda turnir hər biri 4 komandadan ibarət 16 qrupla keçiriləcək. Qruplarda ilk iki yeri tutan kollektivlər birbaşa pley-offa yüksələcəklər.
Oyunların İspaniya, Portuqaliya, Mərakeş, Argentina, Paraqvay və Uruqvayda keçiriləcəyi bildirilir.
Qeyd edək ki, DÇ-2026-da da komanda sayı baxımından rekord nəticə qeydə alınacaq. Belə ki, tarixdə ilk dəfə mundialda 48 komanda iştirak edəcək. Bunadək dünya çempionatlarında 32 milli mübarizə aparırdı.
