ABŞ-da US Steel polad şirkətinin fabrikində partlayış baş verib.
CBS News-un məlumatına görə, Klertonda (Pensilvaniya ştatı) U.S. Steel zavodunda baş vermiş partlayış nəticəsində bir neçə nəfər xəsarət alıb.
Təcili yardım xidmətləri yerli vaxtla saat 11:00 radələrində insidentlə bağlı ilk məlumatı alıb.
Pensilvaniya qubernatoru Coş Şapiro bildirib ki, onun administrasiyası şəhər rəhbərliyi ilə əlaqə saxlayır.
— Pensilvaniya Fövqəladə Hallar Xidməti və əyalət polisi fövqəladə hallara cavab xidmətləri ilə əlaqə saxlayır və bütün lazımi yardımı təklif edir, qubernator X-də yazıb.
