"Honda" və Britaniyanın yüksək detallı miqyaslı modelləri istehsalçısı "Amalgam" əfsanəvi Honda RA272 yarış avtomobilinin məhdud buraxılışını təqdim ediblər.
“İki sahil” xəbər verir ki, bu barədə "Kommersant" məlumat yayıb.
Məhz bu avtomobil Yaponiyaya 1965-ci ildə Meksika Qran Prisində Formula 1 üzrə ilk qələbəsini gətirib.
1:8 miqyaslı modellər (uzunluğu təxminən 56 sm) əl ilə yaradılıb. Hər birinə təxminən 1600 hissə daxildir və bir nüsxəni yığmaq üçün "Amalgam" ustalarına 450 saatdan çox vaxt lazımdır. Seriya 30 nüsxə ilə məhdudlaşır. Nadir kolleksiyanın dəyəri real avtomobilin qiyməti ilə müqayisə edilə bilər - 29 min dollar.
