Prezident İlham Əliyev Azərbaycan Milli Mətbuatının 150 illiyi münasibətilə ölkənin media sahəsində fəaliyyət göstərən bir qrup jurnalisti təltif edib.
"Teleqraf" Media Qrupunun 5 əməkdaşı da təltif edilən jurnalistlər arasında yer alıb. Bu təltif əməkdaşlarımızın uzun illər ərzində göstərdiyi peşəkar fəaliyyəti və Azərbaycan mətbuatının inkişafına verdiyi töhfəyə görə verilib.
Teleqraf İnformasiya Agentliyi“nin baş redaktoru Cavadzadə Nərgiz Ehlam qızı "Tərəqqi" medalı ilə, agentliyin direktoru Əlizadə İmdad Əli oğlu "Azərbaycan Respublikası Prezidentinin fəxri diplomu” ilə təltif edilib. Axar.az portalının baş redaktoru Niftəliyev Anar Mahmud oğlu, Publika.az portalının baş redaktoru Muxtarov Natiq Muxtar oğlu, əməkdaşı Nərimanlı Asif Cəlal oğlu isə "Tərəqqi" medalına layiq görülüblər.
