"Mançester Siti"nin yarımmüdafiəçisi Rodri yenidən zədələnib.
Publika.az xəbər verir ki, bu barədə komandanın baş məşqçisi Pep Qvardiola məlumat verib.
İspaniyalı futbolçu klublararası dünya çempionatının 1/8 finalında "Əl-Hilal"a qarşı məğlub olduqları matçda (3:4, əlavə vaxtda) yeni zədə alıb. Rodri 53-cü dəqiqədə meydana daxil olub, lakin əlavə vaxtda əvəzlənib. Qvardiola yeni zədənin təfərrüatlarını açıqlamasa da, futbolçunun vəziyyətinə görə narahat olduğunu bildirib:
"Rodrinin durumu yoxlanılmalıdır. O, özünü yaxşı hiss etmədiyini dedi, buna görə də qayıtması bir qədər vaxt alacaq".
Xatırladaq ki, Rodri ötən mövsümün böyük hissəsini dizindəki çarpaz bağların qopması səbəbindən buraxmışdı.
