“Real” 3-cü turun “Zaltsburq”la oyununda 3:0 hesabı ilə qələbə qazanaraq növbəti mərhələyə – 1/8 finala yüksəlib və “Yuventus”la qarşılaşacaq.
90deqiqe.Az xəbər verir ki, Madrid klubunun baş məşqçisi Xabi Alonso bu barədə UEFA-nın mətbuat xidmətinə açıqlamasında danışıb.
“Oyundan və nəticədən məmnunuq. İndi qrupu birinci yerdə başa vurub yarışa davam edirik. ‘Yuventus’ Avropanın ən tarixi klublarından biridir, güclü komandaya malikdirlər və qarşıdakı oyun çətin keçəcək.”
Klublararası dünya çempionatının 1/8 final mərhələsində “Real” və “Yuventus” komandalarının görüşü 1 iyul tarixində ABŞ-ın Florida ştatı, Mayami şəhərindəki “Hard Rock” stadionunda baş tutacaq. Oyuna Bakı vaxtı ilə saat 23:00 start veriləcək.
