Xetaq Qazyumov 2025-ci ilin məşqçisi seçildi – ARENA.AZ

Sərbəst güləş üzrə Azərbaycan millisinin baş məşqçisi Xetaq Qazyumov Avropa Güləş İttifaqı tərəfindən ən yaxşı məşqçi seçilib.

Arena.az xəbər verir ki, bu barədə Azərbaycan Güləş Federasiyasının mətbuat xidməti məlumat yayıb.

Bildirilib ki, milli komandanın baş məşqçisi sərbəst güləş üzrə 2025-ci ilin ən yaxşı məşqçisi kimi xüsusi mükafatla təltif edilib.

Xatırladaq ki, millimizin sabiq üzvlərindən olan Xetaq Qazyumov 2023-cü ilin mart ayında Azərbaycan yığmasına baş məşqçi təyin edilib.

Azərbaycan seçməsi Qazyumovun rəhbərliyi altında ötən il Avropa çempionu olub və dünya çempionatında 4-cü yeri tutub.