Məşhur müğənni Şakiranın “Las Mujeres Ya No Lloran World Tour” çərçivəsində keçirilməsi planlaşdırılan Qətər konserti təxirə düşüb.
Ölkə.az “Qafqazinfo”ya istinadən xəbər verir ki, Dohadakı 974 stadionunda planlaşdırılan tədbir Yaxın Şərqdəki hərbi gərginlik səbəbindən başqa tarixə keçirilib. Lakin kolumbiyalı superulduzun konsertinin dəqiq tarixi hələ açıqlanmayıb.
Bildirilib ki, aprelin 1-nə planlaşdırılan konsertə bilet alanlar istəsələr, pullarını geri ala bilərlər. Biletlər növbəti konsertdə də keçərli olacaq.
