UEFA Çempionlar Liqasının pley-off mərhələsində İngiltərədə “Nyukasl” və “Qarabağ” komandaları arasında keçiriləcək cavab oyununa təyinatlar açıqlanıb.
“Ölkə.az” xəbər verir ki, görüşü İtaliyadan olan hakimlər briqadası idarə edəcək.
Matçın baş hakimi tanınmış FIFA referisi Davide Massa olacaq.
Ona yan xətt hakimləri Filippo Meli və Stefano Alassio kömək edəcəklər. Dördüncü hakim funksiyasını Luka Payretto yerinə yetirəcək.
VAR hakimi Daniele Çiffi, onun köməkçisi almaniyalı Kristian Dinqert olacaq.
Qeyd edək ki, fevralın 24-dən 25-nə keçən gecə keçiriləcək “Nyukasl” – “Qarabağ” oyunu Bakı vaxtı ilə saat 00:00-da başlayacaq. (qafqazinfo)
