Naxçıvanda işə düzəltmək vədi ilə dələduzluq edən şəxs saxlanılıb.
KONKRET.az DİN-ə istinadla xəbər verir ki, şübhəli bilinən 34 yaşlı Əsgər Quliyev saxlanılıb.
O, özünü “Tural” adı ilə müxtəlif qurumlarla əlaqəli şəxs kimi təqdim edərək işlə təmin olunma vədi verib. Bu yolla vətəndaşlardan ümumilikdə 12 000 manata yaxın pul vəsaitini ələ keçirib.
Faktla bağlı cinayət işi başlanılıb, istintaq tədbirləri davam etdirilir.
