Ukrayna Silahlı Qüvvələrinin desantçıları Donetsk vilayətində iki yaşayış məntəqəsini azad edib,
Bizim.Media UNİAN-a istinadla xəbər verir ki, Rusiya ordusu hücum nəticəsində ciddi itkilər verib.
Məlumata görə, Desant-Hücum Qoşunlarının bölmələri Zolotoy Kolodets və Petrovka kəndlərini azad ediblər.
79-cu Tavriya desant-hücum briqadası və 82-ci Bukovina desant-hücum briqadasının məlumatına əsasən, bölmələr uğurlu hücum əməliyyatları həyata keçirib.
“Ruslar canlı qüvvə, texnika və silah-sursat baxımından əhəmiyyətli itkilər verib. Bir qrup rus hərbçisi əsir götürülərək mübadilə fonduna təhvil verilib”, – Desant-Hücum Qoşunlarından bildirilib.
Xatırladaq ki, bundan əvvəl Ukrayna qoşunlarının Sumı vilayətinin sərhəd zonasında yerləşən Andreyevkanı azad etdiyi və Pokrovski istiqamətində irəlilədiyi haqda məlumat yayılmışdı.
Bizim.Media
