Rusiya və Ukrayna nümayəndə heyətlərinin növbəti görüşü iyulun 23-nə planlaşdırılıb və Türkiyədə baş tutacaq.
Yeniavaz.com xəbər verir ki, bu barədə Ukrayna Prezidenti Volodimir Zelenski Ukrayna Milli Təhlükəsizlik və Müdafiə Şurasının rəhbəri Rustem Umerovun bəyanatına istinadla bildirib.
“Bu gün mən Rustem Umerovla əsirlərin mübadiləsinə hazırlığı və Rusiya tərəfi ilə Türkiyədə növbəti görüşü müzakirə etdim. Umerov görüşün çərşənbə gününə planlaşdırıldığını bildirdi”, - Zelenski axşam videomüraciətində deyib.
Zelenski həmçinin əlavə edib ki, ətraflı məlumat iyulun 22-də təqdim olunacaq.