Vəli Qasımov bu klubun idarə heyətinə GƏTİRİLDİ

“Şamaxı” Futbol Klubunun İdarə Heyətinin sədr müavini Ramiz Məmmədovun üzvlüyünə xitam verilib.

Bizim.Media xəbər verir ki, buna Məmmədovun I Liqa təmsilçisi “Mingəçevir” klubuna baş məşqçi təyin edilməsi səbəb olub.

2022-ci ildən sədr müavini kimi fəaliyyət göstərən mütəxəssis, eyni zamanda, 2023/24 mövsümündə əsas komandanın baş məşqçisi postuna gətirilib və “Şamaxı” olun rəhbərliyi altında I Liqada çempion olaraq yenidən Premyer Liqaya qayıdıb.

Onu bu postda son 3 ildə klubda gənclərin inkişafı proqramının rəhbəri vəzifəsində çalışan millinin sabiq futbolçusu Vəli Qasımov əvəzləyib.

Rəşad Rafiqoğlu, Bizim.Media