Bu gün Formula 1 üzrə Azərbaycan Qran-Prisinə hazırlıq işlərinin gedişatı ilə bağlı Bakı Şəhər Halqası tərəfindən jurnalistlərlə görüş keçirilib. 

Offsideplus.az xəbər verir ki, tikinti, quraşdırma işləri gecə-gündüz növbəli rejimdə aparılır. Podratçı şirkətlərdən 2 162 nəfər quraşdırma və demontaj mərhələlərində cəlb olunur. 

Yarış həftəsi zamanı bu prosesə əlavə olaraq: 1 500 təşkilatçı əməkdaşı; 2 000 könüllü; 1 400 marşal qoşulacaq.

 Hərəkəti məhdudlaşdıran əməliyyatlar yalnız gecə saatlarında həyata keçirilir ki, bu da şəhər sakinləri üçün narahatlığı minimuma endirir.

Bütün prosesə hazırda yalnız yerli — Azərbaycan podratçıları cəlb olunur.

Minimum məhdudiyyətlər və nəqliyyat koridorları: 

2023-cü ildən etibarən yenilik tətbiq olunub – yarış həftəsində əsas yollar müəyyən saatlarda qismən açıq qalır. 

2024-cü ildə nəqliyyat koridorlarının sayı 2-dən 5-ə çatdırılıb. 

 Bu koridorlardan istifadə edən sürücülərin sayı ötən illə müqayisədə 30% artıb. 

 2025-ci ildə bu koridorlardan istifadə səviyyəsinin daha 30% artacağı proqnozlaşdırılır. 

Quraşdırma və demontaj işlərinin optimallaşdırılması 

Trasa hazırlıq və demontajı sürətləndirmək məqsədilə ən son texnologiyalar tətbiq olunur.  

Bu dəyişiklik nəticəsində trasın tam hazırlanma müddəti 12 həftədən 6 həftəyə endirilib. 

Yarışdan sonra yollarda hərəkətin tez bərpası üçün 2024-cü ildə beton blokların 60%-i cəmi 16 saat ərzində sökülərək ərazidən çıxarılıb. 

Ertəsi gün saat 13:00-dan etibarən şəhər demək olar ki, normal rejimə qayıdıb. 

Turist axını və tamaşaçı statistikası  

77% tamaşaçı Bakıya xarici ölkələrdən gəlib. 

Turistlərin qalma müddəti – 5 gecə təşkil edib. 

Tribunaların 5 – i tamamilə satılıb. Tələbatı nəzərə alaraq daha 2 yeni tribuna bu il quraşdırılır. 

Bu il 20 mindən çox oturacaq sayı nəzərdə tutulur.