Azərbaycanlı FIFA referisi Elçin Məsiyev 21 yaşadək futbolçulardan ibarət komandalar arasında Avropa çempionatında növbəti təyinat alıb.
Arena.az bu barədə AFFA-nın rəsmi saytına istinadən xəbər verir.
Xəbərdə bildirilir ki, Məsiyev Slovakiyada təşkil edilmiş 21 yaşadək futbolçulardan ibarət komandalar arasında Avropa çempionatının qrup mərhələsinin 3-cü turu çərçivəsində keçiriləcək Gürcüstan – Portuqaliya oyununun baş hakimi olacaq. Ona yan xətt hakimləri Elşad Abdullayev və Pərvin Talıbov kömək edəcəklər. Dördüncü hakim funksiyasını venesuelalı Aleksis Errera yerinə yetirəcək.
İyunun 17-də Trençin şəhərində yerləşən “Siqot” stadionunda keçiriləcək C qrupunun matçına Bakı vaxtı ilə saat 20:00-da start veriləcək.
Xatırladaq ki, Elçin Məsiyev bu Avropa çempionatının iyunun 12-də keçirilmiş A qrupunun Çexiya – İngiltərə (1:3) görüşünü idarə etmişdi.
