“Real”ın futbolçusu Raul Asensio ilə imzalayacağı yeni müqavilənin detalları ortaya çıxıb.
Msport.az xəbər verir ki, Madrid təmsilçisi 22 yaşlı müddafiəçi ilə 6 illik müqavilə bağlayacaq.
Müqavilədə 1 milyard avroluq satın alma maddəsi də yer alacaq. Asensionun hazırkı müqaviləsi 2026-cı ilin yayına qədərdir.
Qeyd edək ki, ispaniyalı futbolçu ötən mövsüm La Liqada 23 oyun keçirib və 1 məhsuldar ötürmə verib.
