"Real Madrid"in prezidenti Florentino Peres qarşıdan gələn klub seçkiləri öncəsi azarkeşləri həyəcanlandıracaq böyük bir transfer vədi hazırlayır.
Fanat.Az xəbər verir ki, insayder Latiqo Serranonun yaydığı eksklüziv məlumata görə, Peres "Çelsi"nin yarımmüdafiəçisi Enzo Fernandesin keçidini öz seçki kampaniyasının əsas parçası etməyi planlaşdırır.
Argentinalı dünya çempionu Madrid klubunun rəhbəri tərəfindən gələcək heyətin "xəyal obyekti" və ən böyük hədəfi olaraq görülür.
"Zadəganlar"ın orta sahədəki aparıcı simasını heyətə qatmaq Florentino Peresin növbəti prezidentlik dönəmindəki ən böyük layihəsi hesab olunur.
