ain.az bildirir, Bizimyol portalına istinadən.
ABŞ xüsusi təyinatlı qüvvələri "F-15E Strike Eagle" döyüş təyyarəsinin itkin düşmüş nəzarətçisini axtarmaq məqsədilə İran sərhədini keçərək əməliyyat keçirir.
Bizimyol.info xəbər verir ki, bu barədə "The Telegraph" məlumat yayıb.
Amerikan hərbçiləri İran ərazisinin dərinliklərində fəaliyyət göstərərək təyyarənin nəzarətçisini tapmağa çalışırlar. Hadisə 3 aprel cümə günü baş verib, həmin gün ABŞ-ın döyüş təyyarəsi İran hava məkanında vurulub.
Təsdiqlənmiş məlumatlara görə, döyüş təyyarəsinin pilotu artıq xilas edilib və ABŞ qüvvələrinin nəzarətindədir, ona lazım olan tibbi yardım göstərilir. Lakin ekipajın ikinci üzvü – nəzarətçinin taleyi hələ də məlum deyildi. "The Telegraph" xəbər verir ki, xüsusi təyinatlı əməliyyatı konfliktin ciddi eskalasiyasını göstərir və bu, aktiv döyüş əməliyyatlarının başlanmasından bəri ABŞ qüvvələrinin rəsmi şəkildə birbaşa İran ərazisində fəaliyyət göstərdiyi ilk haldır.
İran tərəfindən də axtarışların aparılması ilə əməliyyat daha da mürəkkəbləşib. Əvvəlcə İranın dövlət mediası yerli könüllülərin amerikalı pilotu axtardığı görüntüləri yayıb. Həmçinin, Tehran tərəfindən hərbçinin tutulması üçün mükafat elan edilib.
Hazırda ABŞ rəsmiləri əməliyyatın detalları, xüsusi təyinatlı qrupların dəqiq sayı və mövqeləri barədə açıqlama vermirlər. Nəzarətçinin vəziyyəti və axtarış qruplarının ona çatıb-çatmadığı barədə məlumat hələ də gizli saxlanılır.
Qadir, Bizimyol.info
Sonrakı hadisələr barədə daha çox məlumat almaq üçün ain.az saytını izləyin.
