U-19 millimiz Moldovaya ilk yoxlama oyununda qalib gəldi – ARENA.AZ

19 yaşadək futbolçulardan ibarət Azərbaycan millisi (U-19) Moldovada keçirdiyi ilk yoxlama oyununda qələbə qazanıb.

Arena.az xəbər verir ki, U-19 millimiz hazırlıq prosesi çərçivəsində bu gün Moldovanın müvafiq yaş qrupundan ibarət seçməsi ilə üz-üzə gəlib.

Vadul lui Voda şəhərindəki Texniki Mərkəzdə baş tutmuş qarşılaşma millimizin 2:1 hesablı qələbəsi ilə başa çatıb. Komandamızın qollarını Nicat Nərimanov (61-ci dəqiqə) və İbrahim Babayev (82-ci dəqiqə) rəqib qapısından keçiriblər.

Qeyd edək ki, bu komandalar arasında ikinci yoxlama oyunu fevralın 27-də keçiriləcək.