Yüksək Liqa: “Neftçi” çətin, “Ordu” asan qələbəyə sevindi – ARENA.AZ

Kişi voleybolçular arasında təşkil edilmiş Azərbaycan çempionatında (Yüksək Liqa) 2025/26 mövsümünün 15-ci turuna start verilib.

Arena.az xəbər verir ki, turun ilk oyun günündə iki qarşılaşma baş tutub.

Abşeron Olimpiya İdman Kompleksində üz-üzə gəlmiş “Gənclər” və “Ordu” komandalarının duelində ikincilər 3:0 hesablı qələbəyə seviniblər. Fövqəladə Hallar Nazirliyinin idman zalında isə “Neftçi” “Azərreyl”ə 3:2 hesabı ilə qalib gəlib.

Qeyd edək ki, 15-ci tura fevralın 28-də yekun vurulacaq.

Yüksək Liqa
15-ci tur
25 fevral

“Azərreyl” – “Neftçi” 2:3 (24:26, 25:20, 25:22, 21:25, 9:15)
Fövqəladə Hallar Nazirliyinin idman zalı.

“Gənclər” – “Ordu” 0:3 (16:25, 21:25, 22:25)
Abşeron Olimpiya İdman Kompleksi.