İranda Tehran prokuroru Əli Salehi vətəndaşlara evdə qalmaları barədə xəbərdarlıq edib.İran dövlət televiziyasının məlumatına görə, Tehran prokuroru Əli Salehi, xüsusilə paytaxtdakı təhlükəsiz olmayan küçələri vurğulayaraq, "Düşmənin muzdluları nümayişlərdə iştirak edənləri öldürür. Çölə çıxmayın" deyib.
Salihi nümayişlərdə iştirak edən hər kəslə davranılacağını və soyuq silah (kəsici və ya deşici alətlər) daşıyanlara odlu silah daşıyanlarla eyni münasibət göstəriləcəyini bildirdi.
Salihi bildirib:

"Silahlı elementlərə heç bir şəkildə dözməyəcəyik. Onlar döyüş cinayətlərinə görə mühakimə olunacaqlar. Vətəndaşlarımızın təhlükəsizliyi bizim qırmızı xəttimizdir. Terrorçulara qarşı mübarizəmiz çəkindirici amil olacaq."

Salihi həmçinin qeyd edib ki, dünən gecə Tehranda baş verən hadisələr ciddi ziyana səbəb olub.


Bu arada, Tehranın bütün məktəbləri həftəsonuna qədər distant təhsilə keçmək qərarına gəlib.

İranda 28 dekabr 2025-ci ildə Tehranın Böyük Bazarında yerli valyutanın xarici valyutalara qarşı yüksək devalvasiyası və iqtisadi problemlər səbəbindən başlayan etirazlar ölkənin bir çox şəhərinə yayılıb.

Nümayişlərdə ölən və ya yaralananların sayı ilə bağlı rəsmi açıqlama verilməsə də, ABŞ-da yerləşən "İran İnsan Hüquqları Fəalları Xəbər Agentliyi (HRANA)" dünən bildirib ki, indiyə qədər nümayişlərdə 8 təhlükəsizlik işçisi də daxil olmaqla 42 nəfər həyatını itirib, onlarla insan yaralanıb və 2277 nəfər saxlanılıb.

Yarırəsmi Tasnim Xəbər Agentliyi 7 yanvarda dərc etdiyi hesabatda yaralı polis məmurlarının sayının 568-ə, könüllü təhlükəsizlik qüvvəsi olan Bəsic üzvlərinin isə 66-ya çatdığını açıqlasa da, itkilərin ümumi sayı barədə məlumat verməyib.

Anadolu Agentliyinin veb saytında AA Xəbər Lenti Sistemi (HAS) vasitəsilə abunəçilərə təqdim edilən xəbərlər ümumiləşdirilmiş şəkildə dərc olunur. Abunə məlumatları üçün bizimlə əlaqə saxlayın.

aia.az
Tərcümə şöbəsi

• Tehran
• Xəbərdarlıq
• İran
• Evdə Qalma