Qax, 30 dekabr, Rasim İslamoğlu, AZƏRTAC
Qaxda ölümlə nəticələnən yol qəzası baş verib. Hadisə Qax-Qıpçaq avtomobil yolunun rayonun Qaratala kəndindən keçən hissəsində qeydə alınıb.
Bu barədə AZƏRTAC-ın bölgə müxbirinə Daxili İşlər Nazirliyi Mətbuat Xidmətinin regional qrupundan məlumat verilib.
Bildirilib ki, rayon sakini, 40 yaşlı Tural Məmmədovun idarə etdiyi “VAZ-21099” markalı avtomobil idarəetmədən çıxaraq ağaca çırpılıb. Nəticədə sürücü hadisə yerində ölüb.
Faktla bağlı Qax rayon Polis Şöbəsində cinayət işi başlanılıb, araşdırmalar aparılır.
