Azertag portalından alınan məlumata görə, ain.az xəbər verir.
Bakı, 17 noyabr, AZƏRTAC
Azərbaycan Respublikasının Minatəmizləmə Agentliyi (ANAMA) işğaldan azad edilmiş ərazilərdə minatəmizləmə fəaliyyətinə cəlb olunmuş qurumlar tərəfindən noyabrın 1-dən 16-dək icra edilən minatəmizləmə əməliyyatlarına dair məlumat açıqlayıb.
ANAMA-dan AZƏRTAC-a bildirilib ki, ötən yarım ayda Tərtər, Ağdərə, Kəlbəcər, Ağdam, Xocalı, Xankəndi, Xocavənd, Laçın, Şuşa, Füzuli, Qubadlı, Cəbrayıl və Zəngilanda aparılmış minatəmizləmə əməliyyatları zamanı piyadaəleyhinə 265, tankəleyhinə 127 mina və 3 min 207 partlamamış hərbi sursat aşkarlanaraq zərərsizləşdirilib.
Həmçinin 2 894,7 hektar ərazi mina və partlamamış hərbi sursatdan təmizlənib.
Ən son xəbərləri və yenilikləri almaq üçün ain.az saytını izləyin.
