Azərbaycanda avtomobil nəqliyyatı sektorunda gəlirlər 2025-ci ilin ilk yarısında 1 milyard manatı ötüb.
Dövlət Statistika Komitəsindən BAKU.WS-ə verilən məlumatına görə, yanvar-iyun aylarında yük və sərnişin daşımalarından 1,044 milyard manat gəlir əldə olunub. Bu göstərici ötən ilin eyni dövrü ilə müqayisədə 6,5% artıb.
Hesabata əsasən, yük daşımalarından gəlirlər 472,7 milyon manat (7,1% artım), sərnişin daşımalarından isə 571,1 milyon manat (6% artım) təşkil edib. Bu müddətdə 70 milyon tondan çox yük və 900 milyon nəfərdən çox sərnişin daşınıb.
