BAKI, 7 avqust. TELEQRAF
Bu ilin birinci yarısında Cənubi Qafqaz Boru Kəmərinin əməliyyat xərcləri təqribən 36 milyon dollar, əsaslı xərclər isə təxminən 12 milyon dollar olub.
Teleqraf xəbər verir ki, bu barədə BP-nin hesabatında qeyd olunub.
Hesabat dövründə CQBK-nin ixrac üçün gündəlik orta ötürücülük gücü 62,4 milyon kubmetr təşkil edib.
Qeyd edək ki, Cənubi Qafqaz Boru Kəməri 2006-cı ilin sonlarında istismara verilib və Azərbaycan, Gürcüstan və Türkiyəyə Şahdəniz qazını çatdırır, Cənubi Qafqaz Boru Kəmərinin genişləndirilməsi (CQBKG) sistemi isə kommersiya qaz həcmlərinin Türkiyəyə çatdırılmasına 2018-ci ilin iyun ayında, Avropaya isə 2020-ci ilin dekabr ayında başlayıb.
